妙問妙答(5)

友人的女兒剛3歲，有天我們一班朋友聚會，小人兒也參加。

最近友人剛搬家，我們隨便問問小朋友對新居的印象。

朋友A: 你鐘唔鐘意你個新屋企？
小朋友：鐘意
朋友A: 咁你鐘意新屋企d乜野？
小朋友：波波池同埋滑梯
朋友B: 好好玩架？你下次帶埋我去你屋企玩，好唔好呀？
小朋友：好！

朋友B接著問，「咁你住0係邊度架？」

小朋友眼珠轉轉，認真地想了一會兒。

我們期待她說香港九龍新界，或者一個區域，甚至一個大廈或者屋苑名稱，但她淡定地這樣說：

「我住0係地球。」

妙問秒答（4）

去屋企附近快餐店，看到一個穿著幼稚園校服的小朋友和一個腳打了石膏、走路要用clutches的爸爸。

爸爸：你幫我搵個位丫，我腳好痛呀
小朋友：ok!
（去到一張六人枱前）
小朋友：呢度有沒人架？

個小朋友行動敏捷，口齒伶俐。

坐下後，小朋友把送餐的號碼牌放桌上，馬上問了一個很好的問題：

「佢地點知d野係我地架？」

爸爸仔細解釋： 「呢個牌寫住1，工作人員會拎住1號既食物黎搵我地。」

小朋友：「工作人員點知1號係咩野食？」

爸爸就坦白說他也肯定，然後這樣提議：

「我地可以估下，嗱，你俾你估先。一陣返屋企上網查下我地邊個啱。」

於是小朋友就開始動腦，想了很多答案，看起來一副充滿樂趣的樣子。

妙問妙答（3）

又是電梯裡，有個著了「暴走鞋」的小朋友在踏步。鞋底的輪子和電梯地板碰撞造成聲音，kick kick咔咔有點煩，但聲音還不算太大。

這時，小朋友的爺爺用很小的聲音溫柔地對她說：
「可以把輪子收起來嗎？」

這個其實像英文的"Can you...?" ，根本不是一個問題。

想不到小朋友這樣說：
「可以，但是我不想。」

兩個人對「可以」的理解很有趣。

妙問妙答（2）

升降機上升時，有個大約5、6歲的小朋友問：
「宜家開門見到咩架？」

大人一下子聽不懂問題，語氣溫柔地問：「你問咩話？講多次俾爸爸聽」

「如果宜家開門，見到咩架？」小朋友嘗試把話說清楚。

爸爸秒答：
「牆或者電梯大堂」

然後爸爸想了一想：「或者牆同電梯大堂都一齊見到少少」

小朋友很好奇，繼續問：「你點知架？你見過呀？」

其實不需要看過，猜都能猜出吧。我們成年人大多都這樣想，懶得深究。

想不到爸爸帶著興奮的語氣說：
「一陣返到屋企同你整個模型，到時我地放個camera入去睇下，好冇？」

妙問妙答

我住的屋苑有很多小朋友，出入經常會聽到小朋友和長輩的對話。話題甚麼都有，共通點是成年人都很有興趣慢慢與小朋友對話。

有天早上，雨下得很大。在平台等電梯時聽到一個看上去2、3歲穿著幼稚園校服的小朋友問：

「點解落雨既？」

不容易答的問題。小朋友那麼小，難度跟她講解水的不同形態嗎？

然後她婆婆這樣說：「因為雲姐姐喊囉」

咁都得！！？

小朋友繼續問： 「點解雲姐姐喊呀？」

婆婆隨即使出會嚇你一跳的創作力量同幻想，輕鬆說出一個仿佛童話故事的情節：

「因為雲姐姐唔見左太陽伯伯。」