聽契仔練琴

這次應朋友要求帶契仔來我家練琴，只有我們兩個。我問他最喜歡彈哪幾首，喜歡的不如先彈。這樣比較開心。

彈到第四首是這一首：

大家覺得是不是很生動很愉快？

我在遠處坐在sofa聽，可能因為這首節奏比較快，沒有足夠時間給他慢慢看譜，很多左手的chords都彈錯呢。所以我終於過去跟他說「你覺不覺得這裡跟這裡，你剛才彈出來的好像有些奇怪？」

正要指導他慢慢「數」出對的音，忽然間我想起來其實我自己不是一個一個音慢慢「數」出來的，而是懂得chords的組合。

所以我決定用半分鐘，用小朋友聽懂的語言介紹一些作曲原理給他。

大致是這樣：

我：作曲家作呢首歌嗰時，有d chords係會經常用，例如CEG（我彈出來），你覺得好唔好聽？（我想避免用”consonance”呢個詞彙）

契仔：好聽

我：CEG係咪開頭呢度都有？

契仔：係

我：如果我咁呢（之後我彈左CDG），你聽下，係咪好似有d奇怪？呢個係撞音（我唔想講 “dissonance”咁深奧）

契仔：係。（指住FG）咁呢度係咪都係撞音？（佢彈左FG出黎）

我：（有如教育電視裡面經常彈出彈入嘅家姐）你問得好好，呢兩個本來係撞音，不過其實仲有其他音，個chord係呢個（我彈左個dominant 7th GBDF），你聽下，係咪都好聽？

契仔：係

我：你見唔見到今次個chord 嘅G唔喺最低？有時d作曲家鍾意咁樣，可以調轉d次序嘅，放G喺上面

之後他覺得這些作曲原理好像很有趣，我就趁機鼓勵他不如再彈一次，一邊聽聽自己彈出來的chords怎麼樣。

他自動試了兩次，就已經聽到彈得不對的地方，自行修正，也留意到那些chords的patterns了。最後一次彈的全對。

這個突然想到的方法效果好像還不錯。

P.S. 後來我回想CDG好像不是dissonant chord，應該是suspended chord（？？）讀書時學過的八級樂理好像已經全都忘掉。