又一小朋友奇怪問題。
一到小學還未坐低，小朋友A就請我食餅，小朋友B就急不及待想問我問題。我覺得他們純綷覺得我是一個大朋友，雖然他們喜歡叫我做老師。其中一個小朋友一口氣問了幾個問題。問其中一個問題時，她拿出一張工作紙，是copybook類型的那一種，問道: 「點解老師全部tick晒都唔係A0既?」
對住她的「點解」，其實我想答「我點知」。
不過好明顯我不會這樣做啦。又好明顯她好真的想知但又不敢去問老師，所以我好認真的端詳了她的工作紙一會兒，就說:
「哦~ 因為你呢度同呢度穿過咗條橫線呀，要貼住條線好小心咁寫會好D。仲有個"d"字呢度"|"斜0既，你睇，要咁直先得架。」
小朋友好滿意我的答案，還說下次會小心寫。其實呢，我根本不知道怎樣才可以A。
沒多久，小朋友又拿出另一張紙，說:
「咁點解呢度D字冇寫得直老師tick晒又有A0既?」
我看看，是配對和填空格的問題，於是我又發揮自己的小宇宙又跟她說:
「這裡不是教你寫字，是看你知不知道答案。只要答案對就有分，全對就有A。」
她又好像明白。我不忘加多句:
「當然如果答案對，字又寫得好就更好啦。」
她又點點頭。
6歲會明白quality和quantity的分別嗎?
沒有留言:
張貼留言