教學生面對失敗

「喂，我係Miss X呀，想通知你得咗個.... 獎，學校會俾個$... 現金獎你」
電話的另一邊，A帶著笑，半信半疑的問: 「真架?」
「係呀!」
電話筒的另一端又是一陣尖叫。

A是很真情流露的一個人，我還是第一次在電話聽到學生又笑又尖叫。

回想起學期初，我按學校指示與幾個成績未如理想的同學各自跟進學習問題，A是其中一個。
問的多數是open question，
「(笑笑口) 發生甚麼事?」
「你讀得好似有d辛苦喎，有咩困難呢?」，
「咁你又覺得有咩方法可以做好d? 不如我地慢慢傾下...」
等學生慢慢講，主要是給予支持。

過程中，我跟A分享了自己讀某科的困難，順便簡單分享了一些我當時的處理方法，
看著她的表情由沒精打采，變成既驚訝又有光采。

最後，經過A的努力，上學期不合格的科，今個學期全部合格。

電話裡，A這樣對我說:
「這是我讀書以來攞的第一個獎! 真係好開心!
以前考試成績唔好，d人淨係會鬧，
從來冇人主動問我有咩問題，
從來冇人同我講成績唔好只係暫時，仲有機會收復失地，
從來冇人見我成績唔好仲會支持我、相信我，
從來冇人會教我唔合格之後要點讀書......
得你一個咁好咋!」

A的一連串「從來冇...」，
令我驚覺舉手之勞，竟然可以發揮很大的作用。

我們的制度教育學生追求卓越，學生表現出色，錦上添花是常有的事。
原來雪中送炭一樣重要，教導學生面對失敗亦是必須。