今早在花園道塞車，在傾斜的道面等等等，相當納悶。
此時我乘的小巴後方傳來一把清脆的小朋友聲音，大約六、七歲吧。
她不斷爸爸點解點解點解，我聽到爸爸細細聲耐心解說。
我袋裡的書己經全本看完，唯有聽聽小朋友同爸爸對話解解悶。
妹妹: (大大聲) 點解架車唔郁呀?
爸爸: (細細聲) 因為前面d車未行囉
妹妹: 咁點解前面d車唔行呀?
爸爸: 因為宜家塞車
妹妹: 塞車係咩呀?
爸爸: 塞車係好多車停晒0係條路度冇辦法行
妹妹: 咁點解塞車呀?
爸爸: 可能前面有意外
妹妹: 意外係咩呀?
爸爸: 例如有一架車撞到前面架車
妹妹: 咁開慢d，小心d咪得囉
妹妹口齒伶俐，最後一句很有意思。
爸爸晨早七點都咁好耐性，超讚!
因為好多時只會聽到d父母同小朋友講唔知、唔好問咁多、你講完未、你好嘈
呢個爸爸不但止好有耐性答完3次"點解"同兩次"係咩呀"，
之後仲好好耐性同小朋友你一句我一句咁一齊講故事，真係要讚好!
沒有留言:
張貼留言